Partizani u eliminua mbrëmjen e djeshme nga “Play-Off” i Conference League nga skuadra e Astanës. Pas humbjes 1-0 në Kazakistan, “Demat” u rikthyen në Elbasan Arena për të marrë një barazim 1-1, por që nuk mjaftoi për të shkruar historinë.
Gjithsesi një aventurë për tu mos u harruar për Partizanin, që ka bërë paraqitje mjaft të mira gjatë këtyre ndeshjeve europiane.
Me anë të një postimi në faqen zyrtare gjithashtu klubi i Partizanit falenderoi të gjithë ata që ishin pjesë e këtij rrugëtimi. Nga lojtarët, trajneri Zekiç, e deri tek magazinierët dhe punëtorët e fushës. Gjithashtu i uron suksese ekipit në sezonin e ri që sapo ka filluar.
“Në këtë fund të aventurës evropiane të klubit tonë doja të falenderoja fillimisht tifozët që nuk na lanë kurrë vetëm këto muaj të nxehtë…Falenderim të madh për skuadrën, të gjithë çunat një e nga një, trajnerin Zekič, drejtorin sportiv Abilaliaj, stafin teknik, magazinierë e fizioterapistë, patjetër edhe administratën e klubit, që nga punëtori i fushës Ladi, e deri tek drejtori i Përgjithshëm Olsi Rama, për punën e palodhur në këtë aventurë evropiane. Largohemi me kokën lart duke fituar renditje dhe koefiçentë të rëndësishëm në UEFA, por duke fituar edhe eksperiencë dhe lojtarë të rinj që do të na shërbejnë në rrugëtimin tonë. Ndaj Astanas unë pashë Partizanin që dua. Nuk dua të gjej kurrë alibi, por arbitrimi në këto nivele duhet të jetë më serioz dhe UEFA nuk mund ta trajtoj më Shqipërinë si vend të dorës së tretë… Gjithësesi shikojmë përpara… Na pret një tjetër sezon i gjatë dhe i vështirë. Suksese të gjjthëve! Forca Partizani!!! P.M.T.P.”
Lexo gjithashtu
