Trajneri shkodran, Edi Martini ka postuar një status pak minuta më parë në llogarinë e tij në Facebook, ku vlerëson mesfushorin e Vllznisë, Erjon Vucaj, i cili ditën e djeshme shënoi golin e parë ndaj Flamurtarit.
Ndër të tjera, në postimin e tij, Martini rendit disa arsye se pse Vucaj nuk duhet të largohet, përkundrazi, iu rekomandon drejtuesve të klubit t'i rinovojnë kontratën mesfushorit.
"Erjon Vucaj, ja pse kam thënë që është një ndër mesfushorët më të mirë në Shqipëri. U kthyer mbas shumë viteve në Shkodër, edhe pse nuk ishte në gjendjen e tij më të mirë, ai tregonte klas në lojën e tij. I vetmi që kur e ka topin në këmbë i jep frymë skuadrës dhe kalon skuadrën në superioritet. Gjuan me të dyja këmbët, pasa dhe asis pafund. I kudo ndodhur në fushë, tamam lider. Bravo Eri! Drejtuesit e Vllaznisë duhet të mendojnë që tani rinovimin dhe të mos ta lënë të ikë më nga Shkodra", shkruan Martini në statusin e tij në Facebook.
[gallery columns="1" size="full" ids="212280"]
[gallery columns="1" size="full" ids="212281"]
Lexo gjithashtu
