Megi Doçi gjithashtu u shpall fituesja e “Topit të artë” për futbollin e femrave. Kapitenia e Kombëtares së Shqipërisë u shpërblye për kontributin e dhënë gjatë këtij edicioni futbollistik.
Liderja e skuadrës kuqeblu arriti që të shënonte dhe golin e vetëm për ekipin shkodran në fazën e grupeve të Champions League. Sportistja e kombëtares prej vitesh është lojtarja që dominon futbollin e femrave, e pavarësisht cilësive që ka treguar ka zgjedhur që të vijojë të japë kontributin e saj në futbollin vendas, duke e ndihmuar ekipin shkodran që të arrinte mes 16 më të mirave të Europës.
