Tomas Muler nuk ka shënuar asnjë gol me Gjermaninë në një Europian. As këtë herë ai nuk ka mundur të gjejë dot rrugën e rrjetës në dy ndeshjet e para. Por mesfushori gjerman mendon se kritikat e hedhura në drejtim të tij janë të padrejta dhe të tepruara.
Ndryshe paraqitet situata e Botërorëve për lojtarin ku në dy Botërorë ka shënuar 10 gola. Muller vjen nga një sezon fantastik me skuadrën e Bajernit ku ka shënuar 32 gola në të gjitha kompeticionet. Ndeshja e rradhës për gjermanin do të jetë ajo kundër Irlandës së veriut në Paris që do të zhvillohet të martën.
‘’Sigurisht që dëshira ime është të shënoj. Ka raste kur unë zhvilloj një ndeshje të mirë po nuk arrij të shënoj,në këtë moment vërshojnë akuzat drejt meje. Ka raste të tjera ku ndeshja ime nuk është dhe aq perfekte, por gjej golin dhe të gjithë më lavdërojnë’’,ka shprehur Muller.
Lexo gjithashtu
