Tirana u rikthye në ‘Air Albania’, stadium që e prisnin me kaq ‘epsh’ për t’u rikthyer te seria e rezultateve pozitive. Bardheblutë mposhtën Kukësin në një ndeshje që i bëri tifozët e të dyja skuadrave me zemër. Dy përmbysje brenda ndeshjes, fillimisht Kukësi me 10 lojtarë e më pas Tirana në minutat e fundit.
E rradhës për kryeqytetasit është ajo ndaj Erzenit, të hënën në orën 13:30 në Rrogozhinë. Buzëqeshje për trajnerin Julian Ahmataj i cili për herë të parë këtë sezon do të ketë një grup të plotë.
Nga porta deri në sulm, Tirana është ‘full’ me alternativa. Gardiani i ri Abdullahu u riaftësua në kohë rekord nga dëmtimi dhe u rikthye në katërkëndësh përballë verilindorëve, Hoxhallari shleu pezullimin e kartonëve, ndërsa sulmuesi Patrick bëri gjithashtu rikthimin për të cilin iu desh të priste plot 9 muaj.
Një lajm që ngroh ambientin bardheblu i cili po përgatitet për derbin decisiv përballë Partizanit, fundjavën tjetër.
Lexo gjithashtu
