Kategoria Superiore luan sot tre ndeshjet mbyllëse të javës së 9-të dhe fazës së parë. Dy ndeshjet e para do të luhen në orën 15:00 me Kastriotin që pret Laçin në Kamëz ndërsa Kukësi sfidon Egnatian në Kukës Arena me tifozë tashmë. Të katërta ekipet do të futen në fushë për 3 pikët për të përfituar nga humbja e Bylisit dhe ndalesa e mundshme e Erzenit sot. Në 17:45, është pikërisht Erzeni që do të përballet me Tiranën në Elbasan Arena. Bardheblutë fitoren e kanë detyrim dhe një hap fals sot do të krijonte distancë me kreun. Shijakasit vijnë pas dy humbjeve e një barazimi dhe sot 1 pikë mund t’i kënaqe përballë kampionëve në fuqi.

Abissnet Superiore

Java 9

Kastrioti – Laçi, ora 15:00, stadiumi “Kamëz”

Kukësi – Egnatia, ora 15:00, stadiumi “Kukës Arena”

Tirana – Erzeni, ora 17:45, stadiumi “Elbasan Arena”