Ka mbetur vetëm Partizani, megjithatë edhe të kuqtë u eliminuan nga Champions League dhe tashmë do të provojnë forcat në Europa League. Ndërsa Kukësi, Teuta dhe Laçi kryen "adetet" në ndeshjet respektive duke u eliminuar nga kundërshtarët që kishin përballë. Një sinjal ky për të gjithë kritikët ndaj trajnerëve që janë ulur në pankinën e kombëtares shqiptare.
Të gjithë njëzëri shpreheshin: "Pse nuk fton këtë? Si është e mundur që s'i hedh sytë nga Superliga?" Duke dashur mos të krijojnë shumë polemika teknikët kuqezi i shmangeshin kësaj pyetje. Në fakt ishin këto sfida të Europës të skuadrave që i kthyen përgjigje të gjithë skeptikëve. Asnjë tur i kaluar dhe një paraqitje shumë larg kundërshtarëve, u tregua edhe një herë se niveli i elitës sonë është "për tokë". Në këtë moment trajneri Edi Reja mund të buzëqeshë, jo për faktin se u eliminuan skuadrat tona, por rezultatet dhe performanca në fushë i dha të drejtë atij.
Lexo gjithashtu
