Ernest Gjoka nuk do të jetë më trajner i Kukësit. Megjithëse arriti të shpallej kampion, skuadra verilindore nuk do t'i besohet teknikut kryeqytetas për sezonin e ri. Mësohet se drejtuesit e Kukësit kanë pasur sot një takim me ish-trajnerin e Shpresave, Skënder Gegën, me të cilin është arritur parimisht akordi dhe pritet vetëm zyrtarizimi.
Nga klubi verilindor nuk ka ende nuk një konfirmim zyrtar, megjithatë në orët e ardhshme pritet të hidhet e "zeza mbi të bardhë" mes palëve.
Presidenti Safet Gjici pati deklaruar se Ernest Gjoka do të ishte ai që do drejtonte ekipin edhe në sezonin e ri, megjithatë gjithçka ka ndryshuar dhe është Skënder Gega që merr përsipër të drejtojë kampionët e Shqipërisë.
Kujtojmë që Ernest Gjoka mori postin e trajnerit në skuadrën e Kukësit në fillim të merkatos së vjetshme verore. Trajneri kryeqytetas bëri gjithçka mirë duke arritur të fitojë për herë të parë në historinë e futbollit shqiptar titullin kampion me ekipin verilindor.
Lexo gjithashtu
