Hapësire reklamuese

Çështjet kryesore

BOTA

Shkarkimi i Nagelsmann, flasin Kahn dhe Salihamidzic: Ekipi pati luahtje pas Kupës së Botës

Shkruar nga NEWSPORT
Shkarkimi i Nagelsmann, flasin Kahn dhe Salihamidzic: Ekipi pati luahtje pas

Pas shkarkimit të Julian Nagelsmann nga posti i trajnerit të Bayern Munchen kanë folur drejtuesit e bavarezëve Oliver Kahn dhe Hasan Salihamidzic. Për ish-portierin e bavarezëve ky vendim filloi të bluhej pas mbarimit të Kupës së Botës sepse që nga janari e prapa ekipi kishte rënie.

“Kur nënshkruam me Julian Nagelsmann ishim të bindur se do të punonim në kohë afatgjatë me të”, shprehet Kahn. “Cilësia e ekipit tonë nuk u shfaq shumë, pavarësisht fitimit të Bundesligës vjet. Pas Kupës së Botës ne fituam shumë pak dhe luajtëm dobët. Luhatjet në performancë vënë në dyshim objektivat tona për këtë sezon, kjo është arsyeja se pse në vepruam tani”, ka përfunduar Kahn.

Ndërsa drejtori Salihimidzic u shpreh se ky ishte një nga vendimet më të vështira të karrierës së tij. “Ky është vendimi më i vështirë që kam marrë si anëtar i bordit sportiv të Bayern Munchen. Unë kam pasur një marrëdhënie të hapur, të besueshme dhe miqësore me Julian që nga dita e parë. Më vjen keq për këtë ndarje, por pas një analize të thellë, veçanërisht që nga janari kemi vendosur ta shkarkojmë atë. I jam mirënjohës Julianit për atë që ka bërë te Bayern dhe i uroj më të mirat”, është shprehur Salihamidzic.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga