Ndeshja mes Tiranës dhe Egnatias e vlefshme për javën e 27-të të “Abissnet Superiore” përfundoi në barazim. Sfida e zhvilluar në stadiumin “Elbasan Arena”, u mbyll me rezultatin 1-1. Pas kësaj sfide për mikrofonat e MCN TV, foli autori i golit me penallti në fundin e ndeshjes për Tiranën, Kristal Abazaj.
“Topin me dorë nuk e kam prekur. Lojtarët e Egnatias mund të thonë çdo gjë, do të justifikohen. Ishte një ndeshje shumë e mirë që e kemi përgatitur shumë mirë. Meritonim edhe 3 pikët, por edhe 1 pikë nuk është keq. Final Four? Ne i kemi të gjithë kapacitet jo vetëm për Final Four, por edhe për më shumë. Kemi lojtarë me eksperiencë dhe besojmë te ky ekip pasi kam ardhur te Tirana për objektiva madhorë”, u shpreh fillimisht Abazaj.
Çfarë ndodh te Tirana, si përshembull për të bërë Najdovskin pjesë të skuadrës?
“Ai është shoku ynë, shpenzojmë kohë. Pavarësisht spekulimeve që janë thënë. Janë thjeshtë aludime dhe kjo gjë është zmadhuar shumë.”
Duhet të shënoni më shumë me kualitetin që keni…
“Grupi ka qenë i limituar prej dëmtimeve. Nuk jemi në të gjitha ndeshjet të gjithë bashkë. Po mundohemi t’i zgjidhim ndeshjet në këtë mënyrë. Futbolli është i tillë që nuk të jep atë që meriton në fund.”
Lexo gjithashtu
