Tirana humbet Erjon Hoxhallarin. Kapiteni i skuadrës bardheblu ka probleme me kaviljen që i është enjtur dhe nuk do të jetë gati për sfidën ndaj Egnatias që do të luhet ditën e hënë.
Qendërmbrojtësi kërkon që të jetë në fushë për të ndihmuar skuadrën në këtë ndeshje, por mjekët kanë vendosur që lojtari të mos rrezikojë një dëmtim akoma më serioz. Duket e vështirë që Hoxhallari të rikuperohet deri ditën e hënë, madje rrezikon që të mos jetë as në sfidën e radhës ndaj Kastriotit.
Alternativat te Tirana nuk mungojnë dhe trajneri Shehi pritet t’i besojë Najdovksit në qendër të mbrojtjes së bashku me Behiratche. Në mesfushë do të rikthehet Toli që mungoi për shkak pezullimi, ndërsa në sulm, Gjumsi shihet si zëvendësuesi i Seferit që ndaj Egnatias mungon për shkak kartonash.
Lexo gjithashtu
