Barcelona u mund dje me rezultatin e thellë 0-4 nga Reali i Madridit. Katalanasit u eleminuan nga gjysmëfinalja e Kupës megjithëse e kishin fituar takimin e parë 0-1 në Bernabeu. Kjo ishte një humbje e rëndë për të besuarit e Xavi sepse kishin fitore në tre “El Classico-t” e fundit. Reali u tregua i pamëshirshëm dje sidomos në pjesën e dytë ku shënoi tre gola, të treja me autor Benzema. Në fundin e pjesës së parë kishte realizuar Vinicius.
Mesfushori i Barcelonës Sergi Roberto pas ndeshjes ishte shumë i zhgënjyer për rezultatin dhe eleminimin. “Goli para pushimit na vrau. Moralisht ne vuajtëm prej tij, pastaj nuk ishim në gjendje të luanim lojën tonë në pjesën e dytë. Në të parën ishim superior ndaj tyre... Është për të ardhur keq sepse donim të luanim për dy tituj që na kishin mbetur, por kjo nuk do të ndikojë në ligë”.
Lexo gjithashtu
