Vllaznia do të udhëtojë në Kukës për të sfiduar skuadrën e Rraman Hallaçit, me sfidën që do të luhet ditën e nesërme duke nisur që nga ora 15:00. Në prag të këtij dueli ka folur në konferencën për shtyp trajneri i shkodranëve, Goce Sedlovski
Skuadra? “Tani ua kamë mësuar emrat të gjithë lojtarëve. Tashmë u bënë 10 ditë që unë jam këtu dhe po e njoh edhe më mirë skuadrën. Kemi punuar mirë gjatë këtyre ditëve dhe çdo ndeshje deri në fund është shumë e rëndësishme për ne.
Kukësi? Nesër kemi një sfidë të vështirë ndaj Kukësit, që është një skuadër e mirëoprganizuar dhe kush do të luajë do të duhet të japë 100% e tij. Nëse lojtarët luajnë mirë atëherë është e sigurtë që rezultati do të vijë.
Hakaj dhe Gurishta? Kemi problemin e dy mungesave në krarë si Hakaj dhe Gurishta. Janë lojtarë të rëndësishëm. Gjithsesi jam i bindur se kushdo që do t’i zëvendësojë do të bëjë më të mirën e tij.
Titulli? Nuk e mendoj fare pjesën e titullit. Futbolli nganjëherë është shumë interesat, janë edhe disa ndeshje për t’u luajtur. Janë edhe disa pikë në dispozicion, por ne duhet t’i marrim ndeshje njëra pas tjetrës.
Sfida me Tiranën? Vërtet ne luajmë me Tiranën, por momentalisht e kam mendjen vetëm te skuadra e Kukësit dhe ndeshja e ditës së nesërme”.
Lexo gjithashtu
