Çështja mes Luftëtarit dhe Milinkoviç do të vijojë dyerve të gjyqeve në FSHF.
Gjirokastritët pretendojnë se trajneri serb është në kontratë, por Milinkoviç tashmë ka nënshkruar me Kukësin.
Tashmë çështja ka kaluar për një zgjidhje juridike në ambjentet e FSHF ku seanca e parë e caktuar në datën 18 Gusht dështoi. Përfaqësuesit e klubit jugor ishin të pranishëm në ambjentet e institucionit kryesor të futbollit shqiptar.
Por ai që mungoi ishte trajneri serb, ose përfaqësuesi i tij ligjor.
Supersport raporton se Luftëtari do ta ndjekë këtë çështje deri në fund. Seanca e radhës është caktuar në datën 4 Shtator dhe FSHF i ka nisur një kërkesë trajnerit për të qënë i pranishëm ai ose përfaqësuesi ligjor, në të kundërt, seanca e dytë do të zhvillohet pa praninë e tij.
Lexo gjithashtu
