Drilon Cenaj është i riu shqiptar që po shkëlqen në radhët e Salernitanës në Itali. Ai më parë ka qenë pjesë e kombëtares U-17, ndërsa nuk është grumbulluar më. Lojtari pretendon se është lënë në harresë për shkak të të tjerëve, jo për aftësitë e tij.
Ndër të tjera, Cenaj i intervistuar nga "newsport.al" tregon se nuk e meritonte që të lihej në harresë, ndërsa ka një ëndërr, të vishet sërish kuqezi dhe të luajë për ekipin e parë të Shqipërisë.
[caption id="attachment_24139" align="alignleft" width="240"]
Drilon Cenaj gjatë një ndeshje me Salernitanën[/caption]
Vlerësoheni si talentet e së ardhmes,ndërkohë Shqipëria iu ka lënë në harresë. Ç’mund të na thoni për këtë?
Dua të them që unë nuk e di çfarë ndodhi. Unë vazhdova të punoja duke dhënë maksimumin tim, pasi dua t’i tregoj atyre që kanë gabuar me mua...
Jeni ftuar më parë nga U-17, çfarë ndodhi qe u mbyll aty me kombëtaren?
Në çdo ndeshje isha titullar dhe pas një kohe pa asnjë shpjegim më larguan. As vetë nuk e di dhe akoma nuk e kuptoj pse ndodhi ajo ashtu, pasi unë nuk e meritoja. Kam bërë më të mirën dhe tashmë dhe koha sot po e tregon.
Tashmë jeni pjesë e Salernitanës, si ndiheni?
Ndihem shumë i lumtur. I gjithë ekipi më ka pritur mirë dhe unë kam gjetur një atmosferë të ngrohtë. Është një ekip i madh në Itali dhe besoj që do të zhvillohem shumë si lojtar me ta dhe shpresoj që do të kem sukses.
Italia ka shumë lojtarë shqiptarë, madje edhe kuqezinj. Mendoni se dhe ju do të jeni një ndër ta?
Po normal. Ëndrra e të gjithë shqiptarëve është të luajnë për kombëtaren, por si duket nuk vendosim ne për këtë pjesë, ashtu si më ndodhi dhe mua...
E prisni një ftesë nga kombëtarja, apo nuk e tradhtoni kombëtaren aktuale ku bëni pjesë?
Nuk mundem të tregoj më shumë. Dua të shoh një herë se si do të mbyllet kjo histori e imja me kombëtaren kuqezi që akoma nuk ka përfunduar.
[caption id="attachment_24140" align="alignleft" width="300"]
Cenaj kur aktivizohej me kombëtaren U-17[/caption]
A ke diçka për t’i thënë zyrtarëve të Federatës Shqiptare të Futbollit?
Nuk dua t’i them asgjë, pasi nuk është në tipin tim. E vetmja gjë që dua të them është që gjithçka që gjithçka unë do ta them në fushën e lojës, aty ku e thonë gjithë futbollistët...
Synimet dhe dëshirat e tua për të ardhmen?
Dua që në të ardhmen të arrij në nivele të larta si futbollist dhe në këtë sezon dua që të shënoj sa më shumë gola dhe t’i shërbej shokëve me asiste. Gjithashtu uroj dhe dëshiroj nga Zoti që të mos kem ndonjë lëndim gjatë sezonit të ri, pasi dua të jap gjithçka çka kam nga vetja.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
