Florjan Përgjoni është titullar i padiskutueshëm te Tirana. Krahu i majtë i mbrojtjes ka qenë "blind" prej thuajse 3 vitesh, por tashmë bardheblutë duhet të shqetësohen për të ardhmen.
Florjan Përgjonit i përfundon kontrata në fundin e këtij sezoni. Dilema e madhe në këtë merkato është nëse Përgjoni do të pranojë rinovimin apo do të shitet, për të mos rrezikuar largimin me parametra zero në fundin e sezonit.
E njëjta situatë ishte me Florent Hasanin, të cilin 26 herë kampionët u detyruan ta shisnin për 300 mijë euro te Rapidi i Bukureshtit. Hasani ishte golashënuesi i Tiranës gjatë dy sezoneve të fundit.
Tirana ka një "xhevahir" në skuadër. 26-vjeçari është lojtar kyç dhe mund të ekzistojë mundësia që të mbahet në skuadër për objektivin e titullit kampion, dhe pse ashtu do mbetet i lirë në fundin e sezonit.
Lexo gjithashtu
