Ndodh ashtu siç pritej. Dritan Mehmeti është rikthyer sërish në krye të Dinamos, ku do t’i drejtojë në pjesën tjetër të sezonit, teksa është prezantuar edhe zyrtarisht. Madje bashkë me stafin e tij, ku bëjnë pjesë Fatjon Tafaj si ndihmës trajner, Ilir Bozhiqi si përgatitës portierësh dhe Korrado Sakone si përgatitës atletik.
Klubi vetëm ditën e djeshme bëri zyrtare largimin e Luigi Di Diagios, i cili grumbullloi vetëm 7 pikë në fazën e parë të kampionatit. Menjëherë drejtuesit rikthyer në stol ish-trajnerin e tyre, i cili i njeh mirë çdo hallkë të “Nëndetëses”.
Ish-timonieri i Partizanit i drejtoi “Blutë” deri para nisjes zyrtare të kampionatit, madje zhvilloi edhe fazën përgatitore me ta. Kujtojmë se ishte pikërisht Mehmeti që i drejtoi edhe në Kategorinë e Parë dhe i udhëheqi drejt ngjitjes në Superiore.
Tashmë palët shpresojnë tek rikthimi i rezultateve pozitive të skuadrës, ku qëllimi kryesorë do të jetë mbijetesa në Superiore edhe për sezonin e ardhshëm.
Lexo gjithashtu
