Marko Perven dhe Kwasi Sibo janë prurjet më të fundit të Skënderbeut.

Dyshja pritet të adaptohet shpejt në formacionin e Orges Shehit, i cili ka krijuar hapërisa për ekstrakomunitarët, pasi hoqi dorë nga 3 prej tyre. Por si mund të ndryshojë formacioni i Skënderbeut pas firmës së kroatit dhe ganezit? Porta pritet t'i besohet të përhershmit Teqja. Në mbrojtje mund të rreshtohet katërshja, Vangjeli-Radas-Aliti dhe Abazi ndërkohë që Perven do të marrë një fanellë titullari në mesfushë. Përkrah tij pritet të pozicionohen Dita e Taipi, por nuk përjashtohet mundësia e aktivizimit të Toskic e Sibo. Edhe në sulm, Shehi pritet të ketë shumë konfuzion, me Gripshi e Hoxha që duelojnë për një fanellë titullari me Muzakën e Asanin. Maja e sulmit mbetet e paprekshme, me Krasniqin që do të ketë detyrën e vështirë, të shtyjë topin drejt rrjetës.