Pak minuta më parë u konfirmua largimi i një tjetër lojtari nga Kukësi. Bëhet fjalë për mesfushorin, Ardit Peposhi. Ishte vetë lojtari që konfirmoi "divorcin" me verilindorët nëpërmjet një postimi në llogarinë e tij në Facebook.
Newsport.al ka kontaktuar me lojtarin duke e pyetur pse ky largim i menjëhershëm pak ditë para përfundimit të merkatos, ndërkohë që ky i fundit ka sqaruar se nuk ka dashur të largohet, por rrethanat e detyruan Peposhin të marrë këtë vendim duke u larguar nga verilindorët pas një viti qëndrim.
- Një vit qëndrim te Kukësi, pse ky largim i menjëhershëm pak ditë para përfundimit të merkatos?
Në fakt isha un ai që kërkova letrat për të ikur. Sigurisht kur erdha te Kukësi, erdha me idenë për të patur një karrierë të suksesshme, madje pranova një ofertë nga ana financiare që ishte më e ulta në krahasim me ekipet e tjera, vetëm që të luaja për Kukësin dhe të kontribuoja për qytetin tim.
Sa herë që kam luajtur për Kukësin jam munduar të jap maksimumin edhe pse ishin aktivizime të pakta, pavarësisht formës që mund të isha. Kulmi i këtij vendimi ishte për shkak se nuk e kam kuptuar akoma pse u lashë jashtë listave të federimit edhe pse u mundova të jepja maksimumin në fazën përgatitore në Slloveni. Madje para se të niseshim, i pyta nëse jam në plan apo jo, dhe më thanë 'po', ndërkohë unë vazhdoja të refuzoja ekipet për Kukësin. Të gjitha këto ngjarje bënë që unë të merrja këtë vendim dhe më erdhi shumë keq. Më erdhi keq për trajtimin që mu bë në fund, në radhë të parë si një futbollist profesionit dhe në radhë të dytë si kuksiani i vetëm që pati mbetur deri në ato momente në ekip.
- Tani që jeni lojtar i lire, a mund të na zbuloni ndonjë detaj?
Jam në bisedime akoma dhe se shpejti pres dhe besoj se do firmos kontratën e re. /NEWSPORT.AL/
Lexo gjithashtu
