Mesa duket në të ardhmen mund të mos kemi më penallti për prekje të topit me dorë në zonë. Ndryshimi drastik është propozuar nga ish-arbitri gjerman Thorsten Kinhofer, i cili është shprehur se kjo do të shuante çdo polemikë dhe do e lehtësonte së tepërmi punën e gjyqtarëve.
Sipas Kinhofer prekja e topit me dorë duhet të jepet faull në pikën ku ndodh prekja, ndërkohë që penallti duhet të jepet vetëm nëse ndodh në vijën e portës. "Një zgjidhje e tillë do të hiqte presionin mbi arbitrin dhe ndëshkimi nuk do të ishte kaq i rëndë", tha Kinhofer për të përditshmen gjermane "Bild".
Një rregull i ngjashëm zbatohet dhe në hendboll, ndërkohë që shkak për këtë debat duket se është bërë prekja e topit me dorë nga Perisiç në finalen kundër Francës.
Kinhofer ka qenë arbitër i FIFA-s për periudhën nga viti 2006-2013, ku ka gjykuar 23 ndeshje ndërkombëtare.
Lexo gjithashtu
