Victor Da Silva ishte një ga lojtarët që nuk u grumbullua nga Zoran Zekic për miqësoren me Romën. Pavarësisht se kroati aktivizoi ndaj verdhekuqve plot 26 lojtarë, vetëm Da Silva nuk “figuronte” në listë. Sipas shtypit të shkruar bëhet me dije se mes trajnerit dhe fantazistit ka pasur një mosmarrëveshje.
Në këto kushte Zekic ka vendosur ta ndëshkojë për mos bindje ndaj urdhrave të tij. Më saktësisht pas sfidës me Valmieran në Letoni, Zekic ka urdhëruar që lojtarët të bëjnë vrapime rresht fushës, gjë e cila nuk është marrë për bazë nga braziliani, i cili kishte hyrë në lojë ndaj letonezve vetëm në minutën e 86-të.
Timonieri i të kuqve urdhëroi gjithashtu që lojtari të stërvitet me ekipin U-21 që drejtohet nga Gert Haxhiu, por përsëri diçka të tillë fantazzisti se ka pranuar. Në këto kushte prej 5 ditësh Da Silva nuk stërvitet fare me grupin e lojtarëve, duke u kthyer në një “çështje” te kryeqytetasit.
Kujtojmë se Da Silva ka luajtur titullarë në dy takimet me Bate Borisov, ndërsa e nisi nga stoli me Valmieran.
Lexo gjithashtu
