Jocelin Behiratche u ndëshkua me karton të kuq në ndeshjen Teuta – Tirana (2-1). Qendërmbrojtësi i bardhebluve nuk u fal nga gjyqtari Eldorian Hamiti, i cili u thirr nga arbitri i VAR-it për gjestin antisportiv të shtatlartit. Ky i fundit goditi me shpullë Gjinollarin dhe kësisoj la ekipin me 10 vetë pas kartonit të kuq.
Megjithatë Behiratche mund të jetë në derbi. Shtatlarti i prapavijës së 26-herë kampionëve të Shqipërisë mund të jetë subjekt i Komisionit të Disiplinës. Nëse organi i drejtësisë sportive dënon me 2 ndeshje lojtarin si masë disiplinore, njërën e shlyen nesër në sfidën e Kupës.
Ndërsa ndeshjen tjetër të mbetur mund ta shlyejë duke e paguar. Por, kjo vlen nëse Komisioni i Disiplinës do të mblidhet sot. Në të kundërt, Behiratche është i detyruar ta ndjekë këtë supersfidë nga tribuna.
Lexo gjithashtu
