Largimi i Shpëtim Duros nga Egnatia padyshim ishte befasia më e madhe e kësaj jave. Drejtuesit rrogozhinas e shkarkuan kryeqytetasin pas humbjes me Kukësin. Pavarësisht lënies së 3 pikëve, pozitat në tabelën e klasifikimit nuk të çonin të mendoje se bashkëpunimi i Duros me presidentin Demrozi do të ishte i tillë.
Por çfarë ka ndodhur? Trajneri i njohur ka qenë dje në Rrogozhinë ku ka drejtuar seancën e radhës stërvitore. Menjëherë pas stërvitjes, një mesazh në telefon i ka bërë me dije atij se nuk do të jetë më në drejtimin e skuadrës. Siç raporton shtypi i shkruar, një veprim i tillë nuk ka lënë shije pozitive te Duro.
Egnatia do të luajë të hënën kundër Partizanit në transfertë dhe pritet me interes të mësohet se cili do të jetë trajneri që do të marrë drejtimin e rrogozhinasve.
Lexo gjithashtu
