Interi ka marrë një fitore spektakolare ndja Romës në Serie A. Zikaltërit triumfuan me përmbysje 4-2 ndaj verdhekuqve dhe tashmë shkojnë +7 nga Juventusi i vendit të dytë.
Një fitore e rëndësishme për “djemtë” e Simone Izaghit, të cilët bënë një ndeshje fantastike ndaj ekipit të Daniele De Rossit. Pas këtij triumfi, Alessandro Bastoni theksoi se pjesa e parë ishte e tmerrshme, por në pjesën e dytë reaguan siç duhet.
“Pjesa e parë e komplikuar? Pjesa e parë nuk shikohet, nuk ishim ne. Më pas, gjatë pushimit trajneri na tha të dilnim në fushë siç dinim, të ishim ne. Ata na hëngrën në pjesën e parë, pastaj ndryshimi i gjendjes mendore na ndihmoi të fitonim ndeshjen. E dinim që pas fitores ndaj Juventusit ishte e rëndësishme të siguronim vazhdimësi. Jam gjithashtu i lumtur për golin, një fitore thelbësore”, ka theksuar lojtari zikaltër.
Lexo gjithashtu
