Ka marrë pasditen e djeshme dokumentacionin e nevojshëm për të qenë lojtar i lirë, kuksiani Ardit Peposhi tashmë është i hapur për merkaton e verës. Lojtari në fjalë është në pritje të ofertave nga klube të ndryshme.
Në karrierën e tij Ardit Peposhi ka luajtur për të rinjtë e Partizanit, ekipin e parë të Tiranës, Teutës dhe Bylisit. Këtë verë ai pritet që të ketë një eksperiencë të re në Superiore. Skuadrat që kërkojnë shërbimet e lojtarit 23-vjeçar që luan në krahun e majtë të mbrojtjes dhe të mesfushës janë me emër.
Kukësi ka shprehur interesin për lojtarin, por më parë në garë ka qenë Partizani. Te "demat" ka pasur një interesim për Peposhin pa përfunduar sezoni, por atëherë kuksiani ishte në kontratë me Bylisin. Tashmë pritet që të ketë të reja zhvillime. Nuk do të jetë çudi që 15-herë kampionët e vendit të rikthejnë prodhimin e tyre në bazë.
Lexo gjithashtu
