Partizani është skuadra e vetme në Superiore që ka më shumë ndeshje në këmbë, teksa vetëm 1 javë më parë mbylli aventurën në Conference League. Të kuqtë e nisën këtë sezon me fitore, ndërsa kanë një ndeshje më shumë për të luajtur.
Gjithësesi pauza e kampionatit për shkak të ndeshjeve të kombëtares, të vlefshme për Euro 2024 i ka shkuar për “shtat” kryeqytetasve. Zoran Zekic duke pasur disa ditë më shum ënë dispozicion ka vendosur t’u japë lojtarëve 4 ditë pushime.
Një mënyrë kjo që lojtarët të rifitojnë energjitë e humbura dhe të rindezin “motorët” për ndeshjet e kampionatit. Gjithashtu pauza e kombëtares vjen në një moment të duhur për demat, të cilët kanë vuajtur edhe dëmtimet dhe tashmë Mehmeti, Mensah, Sembene dhe Mba janë në luftë me kohën për rikuperimin.
Në këto kushte Partizani do të rikthehet në stërvitje ditën e premte për të nisur përgatitjet për duelin me Vllazninë që është i vlefshëm për javën e 3-të të Superiores. Kjo përballje do të luhet në “Loro Boriçi” më 13 shtator.
Lexo gjithashtu
