Ditën e djeshme janë luajtur edhe ndeshjet e fundit përpara nisjes së kampionatit botërorë “Katar 2022” që tashmë do të marrë gjithë skenën e futbollit anembanë botës. Si çdo kampionat tjetër edhe “Abissnet Superiore” do të pushojë gjatë periudhës që luhet “Katar 2022”.
Kjo pauzë ka ardhur në momentin e duhur për ekipet shqiptare të cilat do të kenë në dispozicion kohën e mjaftueshme për të rikuperuar lojtarët ngha dëmtimet dhe për t’u “furnizuar” me energji të reja. Skuadrat tashmë kanë nisur pushimet, duke iu komunikuar kështu lojtarëve edhe kohën që do të kenë në dispozicion për të pushuar.
Në këtë mënyrë Egnatia menjëherë pas përballjes me Laçin, drejtuesit u kanë komunikuar lojtarëve që kanë kohë për të pushuar deri më 21 nëntor, ku më pas do të rinisin me fazën përgatitore për të qenë në gjendje optimale kur të rinisë kampionati. Gjithashtu të nëjjtën gjë do të bëjë dhe Tirana dhe Vllaznia që do të relaksohen disa ditë përpara se të nisin përgatitjet për Supërkupën e Shqipërisë që do të luhet më 7 dhjetor.
Me shumë gjasa edhe skuadrat e tjera priten të kenë të njëjtën agjendë për pushimet, teksa do të rikthehen më pas për t’u përgatitur për rifillimin e kampionatit.
Lexo gjithashtu
