Nuk kanë të ndalur problemet për Skënderbeun.
Fitorja në Kupën e Shqipërisë duhej të shërbente për të zbehur disi trishtimin te kampionët e vendit, që në kampionat e kanë dreqosur. Plot 6 humbje radhazi nuk kishin ndodhur në historinë e korçarëve. Por problemet për ta nuk mbeten këtu.
Për të ulur sa më shumë numrin e ekstrakomunitarëve në ekip, klubi mendoi që një prej futbollistëve më të rëndësishëm të organikës ta pajiste me pasaportë shqiptare. "Fatlumi" ishte kroati Marko Radas. Kroati ndodhet prej vitesh në Shqipëri dhe e njeh mjaft mirë vendin, gjuhën dhe kulturën tonë.
Megjithatë, nuk ishte e shkruar që Radas të pajisej shpejt me pasaportë, pasi mbrojtësi nuk ka një pasaportë kroate për momentin. Mësohet se 35 vjeçarit i ka humbur pasaporta dhe për këtë fakt ka udhëtuar drejt Kroacisë për të aplikuar për një të re.
Lexo gjithashtu
