PARTIZANI sheh larg, të kuqtë ruajnë “thesare” të çmuara

Partizani ka në radhët e veta një brez të ri që mund t’i çojnë të kuqtë larg. Bardhi, Bitri, Mala, Asani, Hebaj, Kote, Çinari, Kodra dhe Hyseni janë një grup djemsh të rinj që kanë potencial të madh për t’u kthyer në lojtarë elitarë në kampionatin shqiptar, por dhe jashtë tij. Duke parë moshën e re dhe premisat e mëdha, klubi mund të projektojë në të ardhmen shitjen e tyre në klube të huaja, ku mund të përfitojnë fitime të mëdha në aspektin financiar dhe në reputacion. Më të spikaturit e këtij grupi  janë Jasir Asani, Esat Mala dhe Jurgen Bardhi që janë kthyer në lider të 15-herë kampionëve në sezonin e fundit. Ndaj e ardhmja e të kuqve është në duar të sigurta.