Partizani nuk “ngopet” me sulmues. Ikja e Xhuliano Skukës ka lënë një boshllëk të madh në repartin e sulmit dhe në këto kushte drejtuesit po afrojnë lojtarë që të garantojnë gola.
Drejtuesit kanë arritur të gjejnë marrëveshjen me një tjetër futbollist, të cilin kanë mundur ta federojnë vetëm në minutat e fundit të mbylljes së merkatos. Bëhet fjalë për ish-lojtarin e Renovës në Maqedoninë e Veriut.
Ramzifaik Selmani ka arritur që me fanelën e skuadrës maqedonase të shënojë 15 gola në sezonin e kaluar, ndërsa tashmë do të vesh atë të demave. 25-vjeçari vjen në Tiranë si lojtar i lirë, pasi është larguar nga Mezokovesd në Hungari.
Selmani do të jetë një vlerë e shtuar për Colellën në repartin e sulmit, pasi 25-vjeçari mund të luajë në të 3-ja fazat e sulmit.
