Në qendër të vëmendjes në këtë merkato që ende nuk ka nisur janë dy lojtarët e Luftëtarit, Kristal Abazaj dhe Dejvi Bregu. Deri më tani mësohet se plot 15 oferta kanë ardhur për lojtarët pranë klubit gjirokastrit. Mes shumë skuadrave, shumica të huaja, bëjnë pjesë dhe skuadra nga Superiorja, si Partizani, Flamurtari dhe Kukësi.
Së fundmi zbulohet se klubi i Luftëtarit ka shprehur dëshirën për t'i shitur lojtarët jashtë, gjithmonë nëse plotësohen kushtet e përcaktuara. Edhe pse tre skuadrat e Superligës kanë disa muaj që presin një përgjigje për dy "yjet" e ekipit, ende nuk një lëvizje konkrete.
Abazajt i përfundon kontrata në verë të vitit 2019, ndërsa Bregut në fund të sezonit. Sikurse Abazaj është në kontratë minimumi për një vit, klubi gjirokastrit është duke ruajtur Bregun, të cilit i përfundon më shpejt kontrata. Nëse për Luftëtarin nuk vijnë të ardhura të konsiderueshme nga shitja e Bregut, do t'i rinovohet kontrata edhe për një vit për të mos lënë mundësinë e largimit me parametra zero në fund të sezonit.
Lexo gjithashtu
