Më 19 tetor do të luhet në “Air Albania” derbi i kryeqytetit. Situata te dy ekipet kryeqytetase në fakt nuk është aspak e qetë. Te Tirana prej ditësh është larguar Orges Shehi, teksa në stol është ulur Julian Ahmataj deri në gjetjen e një timonieri të ri.
Edhe stoli i demave është në pikëpyetje. Zoran Zekic me shumë gjasa do të marrë rrugën e rikthimit në Kroaci, aty ku Osijek e pret t’i besojë çelësat e skuarës. Për herë të parë në Shqipëri do të paguhet për një trajner dhe Partizani do të ketë 100 mijë euro në arkat e tyre.
Një situatë e tillë para derbit nuk i shkon përshtat asnjë prej ekipeve, gjithsesi tashmë në skemë pikërisht te të kuqtë ka nisur të dalë emri i Shehit si pasardhësi i Zekic. Drejtuesit e “ëndërrojnë” ish-timonierin e bardhebluve dhe për këtë duket se do të nisin punën së shpejti.
Por nëse gjithçka mund të realizohet, sërish në derbi me Tiranën në stol pritet të jetë një ish-lojtar i kuq. Bëhet fjalë për asistentin e Zekic, Renaldo Kalari. Ky i fundit e njeh mirë ambientin e skuadrës dhe me shumë gjasa dueli i madh kundër Tiranës do të jetë në duart e tij.
Lexo gjithashtu
