Partizani luajti ditën e diel kundër Skënderbeut, ndeshje e vlefshme për javën e nëntë të Superiores. Ky takim u mbyll me rezultatin 0-0, por edhe me një incident të rëndë ndërmjet policisë dhe tifozëve të kuq. Sot pritet të mblidhet Komisioni i Disiplinës, ku do të merret një vendim për sa i përket sjelljes së tifozërisë në shkallët e stadiumit. Ditë më parë Partizani mori një masë paralajmëruese, ku u dënua me gjobë për sjellje të gabuar të spektatorëve.
"KF “Partizani”, per sjellje te gabuar të spektatorëve ne menyre te perseritur, ne baze te nenit 66/1 , denohet me gjobe ne masen 200.000(dyqindmije) leke. Gjithashtu ne baze te nenit 13 te KDS paralajmerohet se ne rast perseritje masat disiplinore do te pershkallezohet", shkruhej në vendimin e fundit të Komisionit të Disiplinës.
Në këtë mënyrë masa që do të marrë sot ky organ, pritet të jetë mjaft e ashpër pasi të kuqtë një javë më parë janë paralajmëruar. Burime për newsport.al pranë FSHF-së bëjnë me dije që Komisioni i Disiplinës do të shqyrtojë vetëm pamjet filmike, dhe nuk mund të merret se cila nga palët, policia apo tifozët ishin fajtorë në këtë ndeshje, pasi ky organ nuk e ka tagrin të japë një vendim për policinë. Kështu që gjasat janë që 15-herë kampionët e vendit të marrin një dënim të ashpër, ku vendimi zyrtar i Komisionit të Disiplinës pritet të mësohet vetëm në orët në vijim.
Vendim tjetër i Komisionit të Disiplinës për Partizanin disa javë më parë:
KF “Partizani”, per sjellje te gabuar te tifozeve, duke hedhur mjete ndezese ne fushe pa shkaktuar akte dhune apo nderprerje te lojes, denohet me 200.000 (dyqindmije) leke gjobe ,ne baze te nenit 66/2 KDS.
KF “Partizani”, për sjellje te gabuar te spektatoreve, duke hedhur mjete ndezese ne fushe duke shkaktuar nderprerjen te shkurter te lojes, ne baze te nenit 66/3/a te KDS , denohet me zhvillimin e 1(nje) ndeshje pa spektator ne stadiumin perkates.
Lexo gjithashtu
