Trajneri i Kukësit, Peter Pacult ka shfaqur një dëshirë për presidentin e klubit verilindor, Safe Gjicin. Kërkesa e parë e teknikut ka qenë një sulmues "race" për të te ekipi kampion. Edhe pse drejtuesit e klubit kanë arritur të kontaktojnë disa futbollistë, dëshira e Pacult ende nuk është plotësuar, pasi marrëveshja me ta nuk është arritur.
Mësohet se verilindorët kanë "piketuar" sulmuesin që do Pacult, por ende nuk ka detaje se kush është apo nga kush kampionat vjen. I vetmi detaj që dihet është që paga e futbollistit të ri të kampionëve do të jetë 10-12 mijë euro në muaj.
Gjithçka thuhet se është mbyllur ndaj dhe "numri 1" i klubit ka vendosur që këtë surprizë Pacultit t'ia japë në mesnatë, atëherë kur përfundon zyrtarisht dhe merkatoja e janarit.
Lexo gjithashtu
