Peter Pacult është një ndër trajnerët e pakët në kampionatin shqiptar që kërkon që çdo gjë të bëhet sipas asaj që ai planifikon dhe urdhëron që lojtarët të bëjnë. Shpesh herë është vënë në qendër të vëmendjes për disiplinën dhe "dorën" e hekurt lidhur me rregullat që ekipi duhet të respektojë.
Këtë gjë e ka konfirmuar dhe pas përfundimit të takimit me Laçin. Kampionët arritën të marrin tre pikë të rëndësishme, por kjo gjë nuk ka "zbutur" teknikun e kampionëve.
Një ditë pas ndeshjes, Pacult ka nxjerrë skuadrën në fushë për të zhvilluar një seancë të lehtë stërvitore, në Pezë Helmës.
Si thuajse çdo herë, edhe dje ai ka përdorur "formulën" e tij. Ditën pas ndeshjes ai nxjerr ekipin në fushë, ndërsa ditën pasardhëse lë pushim vetëm grupin e futbollsitëve që kanë luajtur, ndërsa me pjesën tjetër të grupi vazhdon normalisht përgatitjet.
Lexo gjithashtu
