Partizani do të luajë mbrëmjen e nesërme ndeshjen e kthimit përballë Astanës. Sfida në “Elbasan Arena” do të jetë vendimtare për fatet e “Demave” dhe kualifikimin e tyre në Conference League.
Pas humbjes minimale 1-0 në Kazakistan, kampionët e Shqipërisë kërkojnë që të surprizojnë kundërshtarët dhe të arrijnë një kualifikim historik. Një sfidë që pritet të jetë mjaft e vështirë dhe e luftuar nga të dyja palët.
Në prag të kësaj sfide ka folur edhe trajneri i Partizanit, Zoran Zekiç.
Do të ketë shumë ndryshime në formacion –
Zekiç: Po, do ketë disa ndryshime taktike, por kemi disa lojtarë të dëmtuar. Do ta shohim nesër
A do te luaje Mehmeti dhe Mba?
Zekiç: Do ti shohim edhe sot, por me shumë mundësi jo
Astana ka treguar se vuan në ndeshjet jashtë –
Zekiç: Nëse flasim për Dinamo Zagreb e Ludogorets, janë një nivel tjetër nga Partizani në këtë moment. Nuk dua të flas shumë sot, nesër është një ndeshje tjetër ku kemi 90 minuta apo më shumë ku të luajmë me karakter, ku të jemi më të fortë dhe të luajmë me më shumë besim. Shpresoj që ekipi im të kuptojë që kjo është një mundësi e madhe. Pas ndeshjes së parë vuajtëm shumë, por faleminderit Zotit ajo ndeshje përfundoi dhe nesër do të jemi shumë më mirë.
Pikat e dobëta të Astanës –
Zekiç: Para çdo ndeshje jam i sigurt që e kam përgatitur ndeshjen shumë mirë. Disa herë nuk është ashtu, disa herë ndodhin gjëra gjatë ndeshjes. Në ndeshjen e parë ndodhi dëmtimi i Grezdës dhe u desh të ndryshoja shpejt të gjithë sistemin. Për nesër padyshim kemi bërë analizën dhe kemi folur shumë dhe i kam dhënë të gjitha informacionet ekipit. Nesër nuk janë të rëndësishëm emrat dhe sistemi, janë të gjitha, por mbi të gjitha është energjia dhe nëse beson, gjithçka është e mundur. Jam i sigurt që nesër do kemi mbështetjen e tifozëve. Nesër do të luajmë për Partizanin dhe futbollin shqiptar dhe duhet të jemi të qartë rreth kësaj dhe të jemi më të përqendruar.
Në dy ndeshje në europë nuk keni pësuar gol. Shpresoni që do t'ia arrini edhe nesër –
Zekiç: Do të mundohemi të mos pësojmë por edhe të shënojmë, pasi duhet të kemi më shumë mundësi për pasime të fundit e gjuajtje. Për ta bërë këtë duhet të luajmë me më shumë besim. Kur shënon në fillim i jep më shumë forcë skuadrës dhe nesër duhet të luajmë si kolektiv, si ekip.
E keni si objektiv ta çoni ndeshjen në shtesë –
Zekiç: Çdo gjë mund të ndodhë nesër. Ne jemi përgatitur për gjithçka. Duhet të jemi të përqendruar që në fillim të ndeshjes më pas do të shohim çdo ndodh.
Lexo gjithashtu
