Gleison Bremer, mbrojtësi i Brazilit dhe Juventusit është futbollisti i parë brazilian në shumë vite që thyen tabunë e nurmit 24. Qendërmbrojtësi u fut në fushë në ndeshjen ndaj Kamerunit duke veshur fanellën me këtë numër që nuk ka ndonjë kuptim në Europë por në Brazil është i lidhur me homoseksualitetin.
Kjo buron nga një lojë e vjetër në shekullin 19-të në Rio De Janeiro ku numrat ishin të lidhur me kafshët, 24 ishte numri i drerit, një kafshë që në Brazil e lidhin me homoseksualitetin. Në Brazil shumë meshkuj nuk ulen në karriget me numër 24 në kinema apo stadiume dhe në festa si ditëlindje shkruajnë 23+1 për moshën e tyre.
Ndaj edhe gjesti i Bremer ka një vlerë të veçantë, mbi të gjitha në një shtet si Katari, ku komuniteti LGBT është i ndaluar me ligj. Vetë futbollisti ka komentuar mbi këtë duke thënë “Është thjeshtë një fanellë si të tjerat” por në Brazil është një gjest që po i mban njerëzit duke folur rreth një teme delikate.
Lexo gjithashtu
