Dinamo do të presë Kukësin në “Elbasan Arena” për të zhvilluar mes tyre edhe sfidën e javës së 3-të të “Abissnet Superiore”. Kjo përballje do të luhet ditën e nesërme duke nisur që nga ora 19:00.
Një duel ku përballë njëra-tjetrës vihen dy ekipet që nuk kanë mundur të marrin asnjë pikë në 2 javët e para të kampionatit dhe në “Elbasan Arena” kanë detyrim fitoren. Luigi Di Biagio nuk “toleron” më dhe dëshiron që skuadra të marrë rezultatr ndaj verilindorëve.
Ndaj Kukësit do të ketë mungesa. Rustem Hoxha për shkak të dëmtimit që mori në sfidën me Skënderbeun nuk do të jetë i gatshëm për sfidën e ditës së nesërme. Një mungesë në mbrojtje që Di Biagio duhet të gjejë zëvendësuesin.
Ndërkohë lajm i mirë është rikthimi i Patrik Bardhit. Lojtari është bashkuar me pjesën tjetër të grupit dhe ka zhviluar stërvitje. Lojtari humbi dy sfidat e para të kampionatit për shkak të një dëmtimi, por është rikthyer të jetë nën urdhrat e italianit.
Lexo gjithashtu
