Kombëtarja shqiptare do të luajë ditën e sotme ndeshjen e dytë miqësore të muajit mars. Shqipëria do të përballet në transfertën e vështirë të Suedisë. Sfida që do të zhvillohet në “Friends Arena” do të startojë në orën 19:00.
Një sfidë kjo mjaft interesante edhe për historinë e ndeshjeve mes këtyre dy kombëtareve. 5 sfidat e mëparshme kanë prodhuar edhe gola, ku Shqipëria i ka shënuar 5 herë përfaqësueses suedeze.
Golin e parë ndaj Suedisë e ka shënuar Ylli Shehu në vitin 1988, sfidë të cilën Shqipëria e humbi 1-2. Teksa një vit më vonë Kombëtarja jonë u mposht 3-1 nga skandinavët. Në këtë ndeshje golin e shënoi Sokol Kushta me anë të një penalltie.
Në vitin 2004, Shqipëria merrte një fitore mjaft të bukur 2-1 përballë Suedisë. Golat për ekipin tonë u shënuan nga Ervin Skela dhe Adrian Aliaj. Këtë sfidë tanët e fituan me përmbysje, pasi suedezët ishin të parët që shënuan.
Ndërsa në vitin 2009 është edhe ndeshja e fundit që Kombëtarja kuqezi ka zhvilluar përballë suedezëve. Sfida përfundoi me fitoren 4-1 të skandinavëve, teksa golin e vetëm për ekipin tonë e shënoi Hamdi Salihi.
Golashënuesit e Kombëtares sonë përballë Suedisë:
Ylli Shehu – 1 (1988)
Sokol Kushta – 1 (1989)
Ervin Skela – 1 (2004)
Adrian Aliaj – 1 (2004)
Hamdi Salihi – 1 (2009)
Lexo gjithashtu
