Një rrëfim special i Kristi Vangjelit për një nga gazetat sportive në Greqi, nxjerr në pah të gjithë historinë e rrugëtimit të tij të gjatë. Një pikpamje totalisht ndryshe, ku mes sakrificash dhe mundi çdo gjë doli në dritë falë talentit të tij.
Pjesë e shkëputur nga rrëfimi i plotë i Kristi Vangjelit:
“Fillova të luaj futboll në vendin tim, Shqipëri.
Që në moshën 10-vjeçare kam qenë në akademitë e Korçës, derisa në vitin 1997 prindërit e mi vendosën të vinin në Greqi.
Për dy javë u stërvita me Arisin dhe luajta në ndeshjet me Krinin. Në fund të sezonit më bleu skuadra e Selanikut . Mbaj mend që transferimi im kushtoi 1.5 milionë dhrahmi. Por problemi ishte se unë nuk kisha letërnjoftim grek dhe merrja pozicionin e një të huaji, ndërsa nga zyrat më thanë se transferimi nuk mund të bëhej, edhe pse im vëlla luante tashmë në ekipin e dytë të PAOK-ut.
Edhe sot, nga një ndeshje me Olimpiakos, ku Mendrinos ishte yll , më kumbon thënia: "Do ta çoni burrë me burrë dhe nuk do ta lini të prekë topin, përndryshe do t'ju kthej në Shqipëri". Sigurisht e tha me shaka, por ishte kokëfortë me mua!
Sezoni i ardhshëm ishte prezantimi im i parë në ekipin e madh.
Karaliopoulos kishte një problem dhe më pyetën nëse mund të luaja mbrojtës i djathtë . Në pesë minuta kisha bërë 10 goditje! Ndoshta me topin në sulm isha keq, por në mbrojtje dhashë gjithçka. Rreth minutës së 70 nuk mund të ecja nga dhimbjet, këmbët ishin shumë keq nga këpucët, i kisha marrë hua. Ishin me vida dhe një masë më të vogël.
I harrova të gjitha kur, pas përfundimit, Scoboe më njoftoi se tani do të stërvitesha me ekipin A. Unë u drodha… Një ditë një makinë vjen pranë meje, në të cilën ishte trajneri Scoboe, dhe më mori me vete. Para se të fillojë trajnimi, ai pyet të gjithë ekipin nëse dikush jeton pranë meje dhe mund të më ndihmonte për stërvitjen.
Një tjetër incident që mbaj mend ka të bëjë me stërvitjen time të parë, kur shkova të kërkoja rroba nga kujdestarët .Më japin një palë pantallona të shkurtra , një bluzë me mëngë të shkurtra dhe çorape dhe më dërgojnë të ndërroj në palestër, jo në dhomën e zhveshjes. Ishte një vend pa dritare dhe unë isha ngrirë. Scoboe më sheh dhe e pyet menjëherë Panziarasin pse nuk jam në dhomat e zhveshjes dhe pse nuk kam rroba. Ai i udhëzoi duke u thënë se normalisht jam anëtar i ekipit.
Mazinho nuk ishte gati të bënte kapërcimin si trajner, nuk mjafton të jesh vetëm një futbollist i madh, duhet të kesh edhe përvojë si trajner. Dukej që nga fakti se po përballej me disa lojtarë, ai nuk dinte si t'i trajtonte situatat.
Ndërkohë, menaxhmenti vazhdonte të më bënte presion që të largohesha çdo ditë. Po flisja me Panionios , i cili më paguante para të mira atëherë. Në Aris , për tre vitet e para kam marrë 700 euro në muaj dhe për tre vitet e dyta 25 mijë euro në vit.
Sapo firmosa kontratë 120 mijë në vit, më thanë të largohesha, sepse kishin sjellë një spanjoll, që nuk luajti kurrë.
Në katër ndeshjet e para të kualifikimeve të Europa League isha jashtë listës. Zgjodha që zemërimin tim ta kanalizoj në punë të palodhur në fushë, sepse kisha në të njëjtën kohë edhe Kombëtaren .
Kuper e pa këtë gjë , për pasojë më mori në mision për ndeshjen e premierës në Kavallë , pasi Neto u pezullua. Ishim në autobus dhe më ra telefoni. Ata ishin nga zyrat dhe më pyesnin pse isha aty kur më kishin kërkuar të largohesha. Kishte njerëz që kishin një post në PAE dhe i dëgjoja duke bërtitur nga brenda.
Jam i sigurt që e kishin marrë edhe trajnerin. Por në mënyrë që bota të kuptojë se si veproi ky njeri, një ditë tjetër në mëngjes, në fjalimin para shpalljes së njëmbëdhjetë, ai filloi të thoshte "Për mua ju jeni të gjithë po aq të rëndësishëm" . Pyesja veten nëse ai e tha këtë për mua dhe u konfirmua kur pashë emrin e tij në formacion!
Sapo pashë njerëzit në tribuna harrova gjithçka. Kam luajtur një ndeshje shumë të mirë, tashmë kemi fituar. Në fakt, në fund një nga ata që disa orë më parë këmbënguli të largohesha, kap dy nga shokët e mi dhe u thotë “E patë? E kam bërë të luajë!” . Ka një goditje në tru…
Dola një ditë më parë me Kombëtaren dhe kur u ktheva, më thirri ndihmësi i Kuperit dhe më tha që duhet të vazhdoj dhe do të shpërblehem. Pikërisht atëherë fillova në të gjitha ndeshjet e grupeve në ecurinë e mahnitshme në Europë . Në të njëjtën ditë më duhej të firmosja ndërprerjen e kontratës me Arisin.
Më shqetëson fakti pasi që ekipet e tjera ishin të qarta dhe të sinqerta ndaj nesh, si për shembull Skënderbeu, ku shkova në Ukrainë dhe që luajtëm në Europë. Kualifikohuni na thanë, dhe do të merrni paratë që na jep UEFA. Çdo raund që kalonim, merrnim premiumin.
Dy ndeshjet që luajtëm kundër Portugalisë për kualifikueset e Botërorit dhe ndeshjet e mia me Cristiano Ronaldon kanë hyrë në histori. Ai 0-0 që morëm në Braga do të jetë i paharrueshëm për mua. Në atë kohë ai ishte në maksimumin e tij.
Në duelin e parë u ndjeva sikur po rrëzohesha në një gur. Ai ishte tepër në formë dhe pyesja veten se si do ta përballoja. Unë thashë ose topin ose atë. Në çdo fazë loje shkova pas tij. Ndjeva sikur një nga ata kuajt arabë po vinte drejt meje, ai ishte më i gjatë se unë.
I kisha kërkuar para ndeshjes që të më jepte fanellën e tij dhe ai më kishte thënë "po". Por në fund, kur iu afrova, më tha “kurrë për ty”, i irrituar që nuk e lashë të prekte topin".
Lexo gjithashtu
