Ilir Daja është padyshim trajneri më i mirë shqiptar aktualisht, por mund të themi edhe në Gadishullin Ballkanik. Duke parë paraqitjet fantastike që Daja po bën me ekipin e Ballkanit në Europë, tekniku nga Tirana ka treguar dhe njëherë vlerat e tij të veçanta që zotëron.
Së fundmi trajneri i kampionëve të Kosovës ka dhënë një intervistë në emisionin “Dueli Sportiv” në RTV Dukagjini.
DAJA SI TRAJNER I KOSOVËS – Unë jam trajneri i Ballkanit. Me këto paraqitje që po bëjmë në Europë ne jemi një kombëtare e vogël. I uroj suksese trajnerit të Kosovës në ndeshjet në vazhdim. Secili trajneri i duhet kohë për të treguar vlerat e tij. Përderisa sa Kosova ka trajner, unë normalisht që nuk jam i hapur.
GRUPET E CONFERENCE LEAGUE – Të tre ekipet janë më të forta se ne. Ne kishim shumë kundërshtarë të fortë edhe sezonin e kalur, por ne e kemi treguar më të mirën e futbollit të Kosovës. Asnjë kundërshtar nuk na ka dominuar totalisht. Të njejtën gjë do të bëjmë edhe në këtë grup.
MUNGESAT NË ORGANIKË – Një humbje e madhe është Emërllahu dhe largimi i Korenicës. Por ne kemi qenë të përgatitur. Kemi bërë përforcime, por duhet kohë që futbollistët që kanë ardhur të përshtaten.
Lexo gjithashtu
