Përveç sfidave çerekfinale të Kupës së Shqipërisë, ditën e mërkurë do të luhet edhe sfida e prapambetur e Superiores. Skëndferbeu dhe Dinamo do të vihen ballë për ballë për të bërë mes tyre llogaritë e javës së 20-të të kampionatit shqiptarë.
Kjo sfidë është parashikuar të luhet ditën e mërkurën në stadiumin e Korçës dhe që do të startojë në orën 17:00. Një duel mjaft i rëndësishëm dhe interesant për të dyja ekipet që do të luftojnë “kokë më kokë” për 3 pikët.
Në lojë është “Final – Four”, me korçarët që ndodhen vetëm 3 pikë larg Tiranës që ndodhet në vendin e 4-të në klasifikim, ndërsa dinamovitët nga ana tjetër ndodhen vetëm 2 pikë larg bardhebluve. Fitorja në këtë përballje do t’u jepte zonën “Final – Four”.
Si te Skënderbeu ashtu edhe te Dinamo në këtë takim do të ketë rikthime të rëndësishme. Ivan Gvozdenovic do të ketë 2 “armë” plus, pasi do t ëketë të gatsjhëm Dean Liçon dhe Randi Dumfur, të cilët munguan për shkak kartonësh.
Ndërkohë nga ana tjetër te “Blutë” do të rikthehet nga pezullimi Lorenco Vila. Ky i fundit në sfidën me Partizanin u ndëshkua me karton të kuq dhe në këtë mënyrë mungoi në duelin me Laçin.
Lexo gjithashtu
