Luiza Gega është përzgjedhur nga ndjekësit e Newsport.al si personazhi i vitit 2022. Kampionia e Europës është vlerësuar maksimalisht për arritjet e saj në këtë vit kalendarik që po lëmë pas duke u renditur e para në sondazhin e krijuar para 7 ditësh. Në përfundim të tij, Luiza ka marrë 35 përqind të votave, e ndjekur nga Xhuliano Skuka i Partizanit me 21 përqind dhe Ilir Daja në vend të tretë me 9 përqind. Në 13 personazhet e përzgjedhur nga redaksia jonë, Gega, e mësuar gjithmonë me stofin e kampiones, edhe në këtë “garë” ka zënë vendin e parë.
Luiza Gega është kampionia e Europës në atletikë në këtë vit kalendarik. Shqiptarja ka bërë një paraqitje brilante në finalen e 3000 metrave me pengesa, duke ndalur kohën në 9 minuta, 11 sekonda e 31 të qintat. Si rezultat i kësaj paraqitje Gega la pas gjermanen Meyer, e cila kishte edhe mbështetjen e publikut duke qenë se kampionati europian zhvillohet në Mynih. Një arritje e jashtëzakonshme e Gegës, e cila për më tepër vendosi edhe rekord europian të përmirësuar me pothuajse 6 sekonda.
[caption id="attachment_673866" align="alignnone" width="385"]
Sondazhi i Newsport[/caption]
Lexo gjithashtu
