Ballkani e mbylli me humbje minimale ndeshjen ndaj Slavias në Fadil Vokrri duke shuar ëndrrën për kualifikim. Gjithsesi një aventurë historike për dardanët që e kishin për herë të parë në një kompeticion të tillë. Pas ndeshjes, trajneri Ilir Daja ka folur për mediat.
Ndeshja – Në karrierën time nuk kam folur shpesh për arbitrat por ky nuk kishte të njëjtin standart, Nuk na u dha një penallti e pastër. Përballë kishim ekipin më të fortë të grupit. Me këtë intensitet me këto lloj klubesh, Slavia e ka vlerën 50 milionë, dy here më shumë se gjithë Kosova. Krenar për atë që kemi përfaqëusar.
Dëmtimi i Krasniqit – Shpresojmë që të mos jetë serioz pasi është golashënuesi jonë kryesor. Na prishi pak planet pasi na hoqi një zëvëndësim. Ai i jep shumë shpejtësi sulmit dhe dalja e tij na e vështirësoi pak por unë nuk gjej gabime pasi këto djem meritojnë vetëm lavdërime pasi kanë bërë krenar cdo shqiptar me këtë përfaqësim.
Cdo skuadër ka vuajtur me Ballkanin – Ajo që ka bërë prezantimin më të mirë ka qenë prezantimi para tifozëve tonë. Ja kemi kthyer mbështetjen që na kanë bërë në cdo moment. Ka ndodhur edhe në transferta pasi jemi të vetimit që i kemi shënuar Slavias dy herë në transfertë.
Mund të largohen disa lojtarë? – Oferta ka për disa lojtarë. Unë si trajner i dua të gjithë por klubi ka politikat e veta dhe lojtarët meritojnë të ikin më lart dhe tregu duhet të hapet. Me këto lloj paraqitjesh është e vështirë të mbahen të gjithë por mund të bëjmë një propagandë për afrimin e disa lojtarëve të tjerë për t’i promovuar sërish.
Lexo gjithashtu
