Ze Maria ka dalë në konferencë për shtyp një ditë para ndeshjes kundër Kukësit. Trajneri i Tiranës shfaqet optimist për sfidën e çerekfinales së Shqipërisë që do të zhvillohet nesër në orën 17:00. Tekniku brazilian analizoi Kukësi aktual, atë të sezonit të shkuar, zbuloi përgatitjet e ekipit si edhe mungesat për sfidën e nesërme.
KRAHASIMI - "Janë dy ndeshje të ndryshme. E para luhen në dy periudha të ndryshme. E dyta është se tashmë kemi një skuadër tjetër. Do të jetë një ndeshje e fortë, do të jetë një ndeshje që e kemi përgatitur sa më mirë. Luajmë përballe një skuadre që është kampioni aktual i sezonit të shkuar dhe do të bëjmë gjithçka për një rezultat pozitiv".
KUKËSI i PACULT- "Nuk e njoh shumë Kukësin e Pacult, pasi ai ka pak kohë në krye të skuadrës. Kam ndjekur ndeshjen kundër Vllaznisë dhe pashë se bënë një ndeshje të mirë përballë një kundërshtari të vështirë. Kështu që jemi të vetëdijshëm që luajmë përballë një rivali të vështirë dhe do të bëjmë gjithçka për ta përgatitur si duhet takimin".
STUDIMI I KUNDËRSHTARIT - "Është e vërtetë që ai na ka ndjekur në ndeshjen kundër Shkumbinit. Megjithatë edhe ne e kemi studiuar kundërshtarin me video. Por, dua të them që kjo nuk do të thotë asgjë, pasi lojtarët nuk mund të jenë njësoj në çdo ndeshje. E thashë edhe njëherë që ne do të bëjmë maksimumin për ta fituar këtë ndeshje".
MUNGESAT - "Albi Doka fatkeqësisht nuk do të jetë i gatshëm për ndeshjen e nesërme kundër Kukësit. Ai ka pësuar një dëmtim të rëndë gjatë fazës përgatitore dhe do të mungojë për një periudhë 3 ose 4 javore. Ndërsa Asion Daja është rikuperuar dhe është gati si të gjithë të tjerët për të qenë në fushë".
MERKATO E DIMRIT - "Jam i kënaqur me mënyrën se si u ndërtua merkato e dimrit. Morëm Mugunën dhe Muhamed. Nuk do të jetë e lehtë për mua, megjithatë do t'i mundohem t'i bëj të gjithë bashkë lojtarët për të krijuar një grup kompakt".
DËSHTIMI NË KUPË - "Nëse eleminohemi nga Kupa, nuk do të jetë e lehtë. Njëra nga skuadrat do të eliminohet. Ne e dimë si është futbolli, ndaj na duhet të japim 100 përqindëshin tonë pasi janë brenda të tre rezultatet". /Newsport.al/
Lexo gjithashtu
