Te Partizani prej ditësh njoftuan largimin e Giovanni Colellës. Italiani dhe të kuqtë ndanë rrugët mes tyre dhe tashmë si zëvendësues i tij pritet të jetë Zoran Zekic. Largimi i Colellës vë në dyshim të ardhmen e stafit të kampionëve. Dy ndihmësit e tij, Fatjon Tafaj dhe Klajdi Kënga nuk e kanë të qartë të ardhmen e tyre.
Mbërritja dhe zyrtarizimi i Zekic në krye të Partizani mban pezull stafin teknik. Kroati ka në dorë fatin e “jetimave” të ngelur nga Colella. Nuk dihet nëse Zekic do të mbërrijë në kryeqytet me stafin e tij të plotësuar apo do të mbajë dy ndihmësit e Colellës.
Tafas kujtojmë se është një nga të preferuarit e Gaz Demit, ndërsa Kënga ishte këmbëngulje e Elton Marinit, me këtë të fundit të larguar. Në këto kushte nuk përjashtohet një largim i tyre, pasi kujtojmë mungon vetëm zyrtarizimi i largimit të Ilir Bozhiqit, ndërsa në “fije të perit” është edhe përgatitësi atletik, Marco Korali.
Lexo gjithashtu
