Olsi Sokoli është rikthyer të gjykojë sërish ndeshje të niveleve të larta në futbollin shqiptar. Bëhet fjalë për arbitrin e kolegjiumit të Tiranës, i cili 3 vite më parë ishte kryefjalë e medieve për gjykimin skandaloz në Krujë.
Asokohe luante Kastrioti me bardheblutë dhe krutanët triumfonin me rezultatin 1-0. Shkelma dhe gjithçka prodhoi ajo sfidë, por për Sokolin gjithçka ishte e rregullt. Klubi i Tiranës doli menjëherë në reagim për shtyp duke sulmuar drejtëpërdrejtë arbitrin në fjalë.
Sektori i Gjykimit pranë Federatës Shqiptare të Futbollit mori masë duke e përjashtuar nga arbitrimi. Por, sot afro 3 vite më vonë është rikthyer sërish në fushën e blertë për të vendosur drejtësi. Ai ishte në Vlorë duke gjykuar ndeshjen e turit të parë të Kupës së Shqipërisë, ku Flamurtari fitoi 2-1 ndaj Vllaznisë.
Lexo gjithashtu
