Flamurtari ka mundur që të fitojë sfidën e parë në kampionat me rezultat të thellë, 5-0. "Manita" skuadrës së serbit Mladen Milinkoviç, ekip që pothuajse nuk ekzistonte në fushë. Në ndryshim nga ndeshja që zhvilloi kundër Partizanit, Luftëtari ishte një hije e vetvetes.
Sa i përket Flamurtarit, tregoi forcë karakteri, ndërsa humbja e marrë në Korçë, këtë herë u kthye në një fitore bindëse. Serinë e golave e shënon Donjet Shkodra, i cili pasohet nga Bushiç dhe Galiç në pjesën e parë.
Në të dytën është sërish Donjet Shkodra që gjen rrugën e rrjetës, ndërsa i futuri në fushën e lojës, Ardit Shehaj, arrin që të shënojë golin e pestë. Kështu, skuadra e Gugash Maganit tregoi se ka një Ego të fortë për të vazhduar kampionatin.
Poll
Lexo gjithashtu
