Vllaznia mori një fitore të artë ndaj Partizanit në kryeqytet. Shkodranët fituan 1-2 me përmbysje duke u kthyer me tre pikë shumë të vlefshme në shtëpi. Pas ndeshjes trajneri Josa foli për mikrofonat e Oversport.
Fitore me 2 ga dhe lojë të bukur.
Jam i kënaqur se skuadra fitoi, lojtarët pavarësisht problemeve po përgjigjen. Të fitosh me Partizanin kryesues është pozitivet i madh. E filluam shuëm mirë, e patëm pjesën e parë në kontroll, sulmuam dy tre herë portën. Pjesën e dytë nuk u kënaqa në 20 minutat e para, humbëm topin disa herë dhe erdhi edhe goli i Partizanit.
Kur do të shohim Vllazninë pa oshilacione?
Të gjithë duam fitore rradhazi. Duhet të jemi me këmbë në tokë. Kemi patur oshilacione, probleme dëmtimesh që nuk janë rikuperuar. Boshnjaku na u shtua me dëmtimet. Të njëjtat vlera i jap si ndeshjes me Partizanin edhe asaj ndaj Teutës kur u rikthyem pas një minikrize. Duhet të jemi me këmbë në tokë për të përballuar pjesën tjetër të kampionatit.
Sot jemi në maja, nesër futemi në gropë, duhet të jemi me këmbë në tokë pasi futbolli kështu është.
Ekip i ekuilibruar, një nga ndeshjet më të mira të Vllaznisë.
I thashë lojtarëve q ëfestoni 10 minuta pastaj fillon puna përsëri. Hallkat në ekip duhet të jenë të njejta, qoftë fitore, qoftë humbje.
A dha sinjale Çoba?
Çoba humbi 5 topa para golit por shyqyr që e bëri pasi për atë punë e futëm.
Lexo gjithashtu
