Agnaldo Moraes është lojtari më i ri i Kukësit. Siç njoftonte Neësport.al ditën e djeshme, palët kanë gjetur marrëveshjen dhe sot lojtari ka firmosur me kuksianët. Mësohet se mesfushori ka firmosur një kontratë që e lidh me verilindorët deri në vitin 2024.
Pas një përvoje të mirë me Skënderbeun, trajneri Skënder Gega e ka marrë me vete te Kukësi. Fantazisti pritet të zërë vendin e titullarit në formacionin verilindor në edicionin e ri futbollistik.
28-vjeçari brazilian u aktivizua në 21 ndeshje me Skënderbeun në sezonin e shkuar duke mos arritur të shënojë asnjë gol. Më parë është aktivizuar edhe me Kastriotin, skuadër me të cilën ra në sy cilësitë e tij tekniko-taktike. /Newsport.al/
Loading ...
